Kurdzadên bêcir...
Xewanên şûşeya tehliyê!

Rêyên..
Bi kulîlkên erxewanê
Her û her ji dest nadin
Û ne jî ji dest didin
Dergehên heşîniyê...!

Çendîn sal...
Û ev xwêsî di şaxên darberûyan de...
Ev dar...
Bi berên xwe ên şor
Bardar in...!
Û ev sirûd
Di hêrsa bagerê de
Dilên ...hînî piyala şevê bû ne
Û dîlên hişiyariyê...!

Dê hîna jî...
Ristên xwe bi çîvçîva rojê re
Li ba bikim
Û herî dawî...
Li ser têlên welatekî
Bi hêviyê xemilî
Wan biseridînim...!

03. Kewçêra 2023.