Û Baran...
Firmêskên Xwedawendên tavê
Li mihraba spiyê berbelav
Li xameyê girtî xunavê
Û paş perdeyên tariyê
Şemal hil tên
Ji nêv dûman û sîtavê.

Xirêniya werzan
Û şevzivistan e..!

Mihrab...
Bi şînê asîmanî
Ji pûnijîna peyamberan
Keskîniyê lêvedan e.
Ya hûn dibînin
Mij û moran e
Û ya ez dibêjim:
Sews û weşiyên mêwan e...!!

Û keservednek...
Ji rêşîkên rêbendanê
Û ta xurîna elindê
Têlên xameyê
Bi gulsirûdên heyînê
Dijenîn im.

Û rewanê ristê
Bi gulleyeke tewş
Venamir e...!

Keservedanek
Û hîn....
Keservedanek...!
Û çend şemalên din.

Ji vir û ta mihraba stêran
Û ji wir ta bi stêrên mihrabê
Mirîd in....
Û rêka şevê bernadin.

Çend çirawîskên din
Ji jiyê êgir
Dema ....
Ku spiyê berfereh
Destên min
Li keservedanê
Vedhewînin...?!

13. Rêbendana 2024.