Bila xifişika nazenîn
Dema gihiştina zeviyên rewan
Ji mista destên spêdeyê
Û ji weşiyên hêviyê
Sinbil, bi sinbil
Peyal û peyal
Sermest bibe...!

Ew tiliyên min î vemirî bûn
Li lalezarê ...
Vedigeriyan...!


Hezarbar e...
Bila tayên rîhanên omîdewar...
Di demsalên işqê de
Pencere, bi pencere
Ber bi bejna sirûdê ve
Hilkişin kenarên rojê...!

Şemşad e sirûda min
Di bejna welatî de
Li ser zarê evîndaran
Ji nuh....
Şax vedidî...?!

Bilind e gerdena ristê
Ji mêj ve..
Sazvanên şevê
Û şeydayên mihraba çavên te
Dilê gulê...
Ezber kirine...?!!!