Welatê me - HAVÊN

Ereb Horê

Mirqên şîr,
Nanê şkeva
Çirra şîr û
Nîvişkê,
Devê meşkê,
Av didan neyşekira...
Melayê Cizîrî.!

Bivirê siqakirî,
Çîqên rişmalên koçeran,
Xizêmokên difina zerya,
Bezma êlan,
Gerdenaz kirin...
gunehê Şêxê Sen`anî.!

Bireka Çaldîran
Karwanên penaberan,
Buxçikên bûkê xeydî
Xwezgîniyê gurzê gula...
Se`idê Norsî...
Tîpên Celadet dane tavê

Kezwan û gûz
Mişşêna kanî û solavan
Hêvîdarên azadiyê
Xewnên dewletbûnê
Wê bibe firefira ala...
Min li ser kopê
Cûdî ûZagros.