Welatę me - Zewaca Sîpan.. Kurte Çîrok..

Senar-Mûsa Qulîkî Mîlan.. Tehran 1381

Demsala bihareka têr û tijî û bi xêr û bêr bû. Baran bi berdevamî dibarî. Xûlexûla avîên çeman bûn dikiţiyan û hawirdor bi xwe re dihejandin. Keriyên minminîkên perbelek li peravan difiriyan. Çol û çiyan, best û beyaran, mêrg û çîmenan kirasekî kesk xwekiribûn. Fîtefîta bilbilan û nalenala ţalûlan û popepopa pepûkan bûn bi tevî firindeyên mayîn distiryan û valî walî de firdidan. Qibeqiba kewan bûn ku liv û libata jiyanê vedihûnan. Hewaya pak û paqij giyanekî taze dida hemû giyandaran. Bêhna gul, sosin û çîçekên reng bi reng yên mîna cehtirî, sîrik, mendik, beybûn, nêrgiz, rihan, hewţan û hwd. dida bêfila mêriv û meriv mest û gêj dikir. Ji dûr ve bajar di nav gîha û dar û berên reng bi reng de nedihat kifţê.

Eţo û Xiţo birayê hev bûn. Ew bi tevî malbat û cînarên xwe di wê xwezaya bihiţtî de xanûman çêkiribûn û karwanê jiyanê dimeţandin. Birobiroya wan bû. Dem dema wan bû. Ţûran simbêlên wan nedibirîn. Roj bi roj weke wê xwezayê him di yalê malê cîhanê de, him jî di yalê qedir û qîmetê xwe di nav gel de pêţta diçûn. Ji her du birayan re weke zêdahiya xwezayê zarok çêdibûn. Jinên her du birayan dîsa ducanî bûn. Roj û meh derbas bûn, Eţo re kurek û Xiţo re jî keçek bû. Navê kurik Sîpan û navê keçikê jî Zozan danîn. Ew her du zarok gelekî xweţik, rindik û bi dest û pê bûn. Te qêmûţ nedikir li wan temaţe bikira. Ţewq û ţemala wan weke sîtavkê davîte nav çavên mêriv. Pêpalê wan pir bi xêr bû. Bi hatina wan re kêf û ţayî û bereketa malan zêdetir bibû. Eţo û Xiţo wisa ew zarokana hiz dikirin, wekî baskên wan hebûna wê bifiryana.

Her du zarok hela di nav pêçik û landikê de bûn ku, rojekê bapîra wan, Zezê ya bêbawer got: -Gelî malbatê! Ez çi bimirim çi bimînim, wexta zewaca nebiyên min ku hat, gerek hun Zozanê bidin Sîpan. Zozana çîl û çavreţ tenê hêjayî Sîpanê min delalê malê ye.

Dê û bavên zarokan gotin: -Dayê, em benî, bide xatirê xwedê û pêxemberan, ev çi gotina bêgav e tu dibêjî? Ev çi tenbî û ţîreta bêwext e tu dikî? Ka em çi zanin zarokên bimirin, bimînin! Piţtî wê yekê, belkî qet xû û xideyên wan li hev xweţ nehatin, hevdu hiz nekirin; em ê çawa bi destê zorê wan bi heva girêbidin? Em ê çawa di dewsa wan da biryarê bidin? Ew jî biryara çarenûsa du neferan! Meger pêţiyan negotine: “Zewac kirasê qiyametê ye?٬٬ Eger ku wisan e, em bihêlin bila zarokên me bi xwe wî kirasî hilbijêrin.

Zezê bi hêrs û xezeb got: -Bes e ev gotinên we. Zêde jî li ber min xeber nedin. Pêvîst nake ku hun hiţ bidin min û min ţîret bikin. Li we ra ţerm e, eyb e! Ez mezina we me û dewsa gorbihiţtê bavê we dimînim, min çi got ew ê bibe. Eger Zozan mir ya erdê ye, eger ku ma ya Sîpan delalê malê ye.

Eţo û Xiţo dîna xwe danê ku diya wan her du lingên xwe kiriye soleka teng û bi hutul gotina xwe dubare dike! Bona ku bêemriya wê nekin û dilê wê neţkênin, gotin: -Dayê em benî, tu xwe nerihet neke. Wexta zewaca wan hat, em ê bi gotina te bikin. Çimkî meriv pêţerojê nabîne û nizane wê çi bibe û çi nebe, me hinekî hemete dikir; tu ji destê me aciz nebe.

Roj bihurîn, meh qediyan, sal derbas bûn û her du zarokan pê danîn ţazdeh saliya xwe. Sîpan bibû xortekî bejin bilind, namil pan û pir bedew, ji nû ve binê simêlê wî xûy dabû. Wêda ku dihat, mêriv li ber ve ţerm dikir. Zozan jî yeka çîl û kever, bejin zirav û nav tenik, çav reţ û dêm gulî û weke karxezalan xweţik û lihevhatî bû. Ew di nav zêr û zîv û kinc û dêreyên reng bi reng de weke dara bûkzavê xemilîbû.Tu roj nedima, xwazginiyên wê nedihatin. Gava ku dêrê sor li ber kir, xortan ew bi tiliyan niţanî hevdu didan. Merxa wê ji dûr ve kifţ bû. Weke kewan sivik sivik dimeţiya û bînerin sewdaserî dikir.

Rojekê Xiţo çû cem birayê xwe, got: -Eţoyê bira! Zarên me bermiraz in, xasme tu dîna xwe didêy ku rojê yek tê xwazginiyê Zozanê. Dayika me - ya gorbihiţt - jî wisa tenbî daye me, em çi bikin? Tu çi dibêjî?

-Eţo bersiv da, got birayê delal tu rast dibêjî û paţtaxistina karê xêrê jî necayîz e. Pêţiyan baţ gotine: “Xwastina jinan germegerm, kuţtina mêran nermenerm.” Lê em nizanim ka zarên me ji hev hiz dikin? Ew hevdu dihebînin yan na? Em di malekê de bi tevîhev dijîn. Ew weke xwîţk û biran mezin bûne. Ez bawer dikim ku vê zûtirê ne perda ţerma wan tê hildan û ne jî rûyê wan ji hev vedibe. Dîsa em ji jinan bipirsin ka rewţ çawa ye û ew çi dibêjin?

-Xiţo got bira tu rast dibejî.

Herda rewţa têkiliyên nûciwanan ji jinên xwe pirsîn. Jinan gotin ku me ev mijar ji Sîpan û Zozanê re gotiye; lê her du jî pir ecêbmayî mane. Gotine em weke xwîţk û biran in. Em lava dikin bila bavên me wê nêtê ji dilên xwe bavejin. Qet yeka wisa pêkan û mimkûn nîne. Qet dilê me jî di hev de tine. Yalîkî hun bi ţanazî dibêjin ku, pêţiyên me gotine “Mirazê bêdil, kirasê bêmil û baxê bêgul e.’’ Di yalê din jî hun dixwazin du hev kirasê bêmil bi hev ve bidirûn! Ew çi gotin e û ev çi kar e ku hun dixwazin pêk bînin? Rast e, em hevdu hiz dikin; lê weke pismam û dotmam, ne weke du evîndaran. Bapîra me angorî dîtina xwe bîst salan beriya niha giliyek gotiye, pêwîst nake, em çavên xwe bigirin û gorî wê dîtinê biryaran bidin!

Eţo û Xiţo ku bihîstin nûciwanan gotine em zewacê bi hev re hiz nakin, geleki melûl û xemgîn bûn. Te digot qey cîhan li ser serê wan de xirab bû. Di yalekî tenbiya diya wan li erdê diket, di yalê din jî jiyan û pêţeroja du nûciwanan dihat guhertin. Du nûciwanên ku weke gelekan dibûn goriyên rê û rismên çewt û nerastên civakî. Bavê Zozanê, Xiţo ku hinekî xwedan bîr û bawer bû, digot eger keça wî qayîl nebe, divê bi destê zorê wî karî nekin. Lê Eţo ku gelekî di bin bandora diya xwe da mezin bibû, curet nedikir tenbiya wê li erdê bihêle. Got birayê min eger em bigotina diya xwe nekin, em tu xêrê ji bazara xwe nabînin. Him jî cimaet wê tiranên xwe li me bikin. Yê bibêjin wan qedrê diya xwe negirtin û tenbiya wê li erdê hîţtin. Pêţniyareka min heye, ew jî ev e ku, ware em ji hev cida bibin, belkî zarên me ji hev dur bikevin; daku ţûţa ţerma wan biţkê.

Xiţo got baţ e. Her du biran ji hev cida bûn. Piţtî salekê dîsa dest pêkirin û nebixwaţiya nûciwanan, belki bi destê zorê gustîla Sîpan kirine tiliya Zozanê! Salekê dergîstî man, lê tu carî Sîpan li ber ţerm û bêdiliyê curet nekir ku berê xwe bide mala xezûr û dergistiya xwe bibîne. Dê û bavên wan dîna xwe danê ku tu germayî di nav wan de tine. Ew mîna hevîrê garis ji hev direvin. Hanzûka dest bi karê dawetê kirin. Eţo qlend hazir kir û Xiso jî cihêz û herda tevdîra daweteka pir bi heytehol dîtin. Heft roj û heft ţevan def û zurne lêdan. Ţayî kirin û nan dan. Serê govendê hebû, binê wê tinebû. Sergovendiyan tu qaydeyek di qulekê de nehîţtin. Bi hemû qaydeyên weke koçerî, sêpê, giran, yekpê, done, haziravîkê, baso, toycînar, momil, yasemen, qeţengoxlan û hwd. leyistin. Bi ţayiyeka pir giran Zozan ji Sipan re peya kirin. Midehek derbas bû, lê tu tevgerek ku nîţan bide ew her du jin û mêrê hev in, nedihat kifţê.

Diya Sipan ku pir nîgeran bû, jê pirsî û got: -Kurê min! Bibûre, niha salek ji daweta we derbas dibe, lê tu tevgerek ji we çênebûye? Halê we çî ye?

-Sîpan got, dayê ez çi ji te veţêrim, çi ji xwedê veţêrim, hela hê bûka te keç e! Ji roja ku we ew ji min re xwastiye heta niha, hela wê nehîţtiye destê min bigihîjê. Ez ku ser da diçim, dibêjî qey marekî reţ serda diçe! Min dide ber pencûrek û pêhînan û ez li dewsa xwe de weke çilpiyeka hiţk sar dibim. Halê min û bûka te ev e. Di vê sala bihurî min weke melayan gelekî li ber wê xwandiye, lê tu tiţtek di serê wê yî hesin de naçe xwarê. Dibêje hema ev serî ye, ev oxir e. Ez tu wextî serê xwe bi te re nakim yek. Bi gotineka mayîn nikarim wî karî bikim. Dibêje ez ji te hiz dikim, lê weke kurapekî, ne wekî mêrekî. Belkî xwedê ji we re qebûl neke. We em avêtine nav êgir. Ez pir heyrî mame, Zozanê berdim, ça berdim? Bihêlim ça bihêlim? Hemû kêmasî û tawan yê we ne. Min hela xwe nas nekiribû û jiyan fam nekiribû, we bi destê zorê ez zewicandim. Ya ku pir min diţewitîne ev e ku ez bêdil zewicîme nebes e; Zozan jî serê xwe bi min re nake yek!

Dema ku diya wî ew gotin bihîst, cîhan li ber çavan reţ bû. Te digot qey satilek ava dax li ser sêrî de kirin. Di halê ku ji kerban lêvên xwe digestin, got belkî laneta xwedê ware bapîra te. Hela hun di nav pêçik û hêlekanê de bûn ku got: “Zozan bimire ya erdê ye û bimîne ya Sîpan e.” Mixabin ew gotin weke guharê di guhê bavê te da ma. Min rebenê hay ji çi hebû? Kê bi gotina min dikir? Rabû, por û poţman vegerya çû cem merê xwe û hal û serpêhatiya Sîpan û Zozanê ji Eţo re got. Ew jî geleki nerihet bû û pir tengijî. Destê xwe çokên xwe xist û got yeka nebûyî hate serê me. Vê gavê Serê dîzika sirên me vebû û di nav xelkê de tu ebûr êdî me re namîne. Xwedê axiriya me xêr bike. Çend roj derbas bûn. Xiţo jî ji pirsgirêkê fam kir. Lê sed heyf û sed mixabin, kesî ji peydakirina çareyê re tu nexţerêyek pêţniyar nekir. Yan li ber ţerma malbatê de mabûn, yan jî nikaribûn rast bifikiryana û qirar û biryara pêvîst bidana.

Dayikên wan çend caran li cem ţêx û meleyan niviţt kirin daku herda li ber hev xweţ bikin, lê niviţtên ţêx û meleyan jî -weke her carê- bêbandor derketin. Hinekan digotin dilnexwazekî dilreţ ku gelekî evîndarê Zozanê bûye, li cem ţêx û meleyan niviţt kiriye û ew li ber hev reţ kirine û ew dua jî li ser nalê hespan daye nivîsandin û avêtiye binê bîrê. Heta ew nal nerize û nebe xak, ţûţa tilisma navbeyna wan naţkê!

Bi vî awayî pazdeh sal bi sersarî, xemsarî û bêxiyalî derbas kirin. Sîpan û Zozanê êdî bi yek carê hevdu ji bîr kirin. Lê ew weke benîţt ketibûn nava dev û diranên cimaetê. Xelkê li piţt wan de giliyên nebaţ digotin. Heta wê hindê ku dê û bavên wan jî êdî ji hev tal bûn. Malbata Eţo digot Zozan keçeka serhiţk û bêtore ye. Loma serê xwe bi yekî mîna Sipan re nake yek. Malbata Xiţo jî digot ku Sîpan yekî xêv û bêkêr e, loma nikare Zozanê serwaxt û kevoka dilê wê nêçîr bike. Hinekan digotin dîsa Sîpan mêr e, dikare xwe bi rê ve bibe û serê xwe xweyî bike; ya ku di nav êgir de diţewite rojreţa Zozanê ye.

Rojekê hevaleka Zozanê bi dilnexwazî û dilreţî pê re got: -Mehrûmê tu zanî çi heye?

-Zozanê got, çi heye?

-Got min bihîstiye ku Sîpan deh salan beriya niha li bajerekî din zewiciye û niha çar zarên wî hene. Serê wî pir germ e, îro ţûnda êdî qet tu nakevî bîra wî. Êdî çarenûsa te jê re qet girîng nîne. Loma wî bi giţtî dest ji te berdaye.

Ve gotina tal û jehrîn li Zozanê pir kar kir. Agirê kîn û rikê dil û hinavên wê ţewitand. Ji xwe re digot, dêmeka ez ê di vî kapê reţ de bimînin? Ew jî bêyî ku Sîpan min berde, here bizewice û bi mirazê xwe re ţa be! Divê ez caba wî têxm kefa destê wî. Ji min re jî dibêjin Zozan.

Midehek bihurî. Zozan di binî ve xebitî daku bi zilamekî re bireve. Di gundekî nêzîkî bajarê wan de mêrek bi navê Çergez hebû ku ew du sal bûn jina wî çûbû ser dilovaniya xwe û dixwast jinekê peyda bike û pê re bizewice. Zozanê dizîka ve ew dît û got îsal çend sal in ku kurapê min telaqê min daye û ez azad im. Ware min bixwaze. Lê çûnkî ez jina kurapê xwe bûm, bavê min tu wextî qayîl nabe ku min bide te. Tu hema ware min birevîne. Çergez li bejn û bal û reng û rûyê wê temaţe kir û dîna xwe dayê, bi rastî ya ku tu jê derbas bibî, nîn e. Hanzûka ew li turimbêla xwe siyar kir, ajot. Hela qederekê rê neçûbûn, cab dan ku Zozan bi Çergezê gundê Tilik re revî. Piţtî qederek rê çûyînê, Çergez bêţansiyeka mezin anî. Turimbêla wî xirab bû û ji liv û tevgerê ket. Çergez û Zozanê ve kirin, nekirin tu çare pê nekirin.

Di wê gave de malbata ap û bavê Zozanê pey ketin, ew girtin. Sîpan ku di wê heynê de cîhan li ber çavan reţ bibû, li ber hêrs û kerba canê xwe, qirmeya legan li ber xwe kiţand û lêda herdu li ser hev de nixilande erdê û berê xwe da çiyê; mîna pezkuviyekî silik revî û winda bû. Çend mehan hikûmet lêgerya, lê kesî êdî Sîpan nedît ku nedît.