Giryan Seyro
Kenek bûye dermanê welatê min
Û di sikakên welatên Qehbik de digere !!!
Welatê min
xwe ji bîr kir bikene
ji bîr kir bikene
û Ken ji bîr kir
Welatê min î wenda
Dîsa wenda bû
Dîsa bû nêçîra Gur û Keftaran
Û di qefesa Nifirên Kundên mal xerab de
welatê min bi tena xwe dîsa wenda bû ...
Ji Boyî Kenekî
û derbasbûna rûkeniyekê di lêvên Welatê min de ,
Melyonek Tifing
Hezar Firoke
Hezar Melyon Gule
û Artêþek Têrorîst
derbasî welatê min bûn
û wisa jî
Welat nekeniya !!!
û Welat
Wendatir bû
Arzantir bû
Û sînorên wê
Wek eyarê min
tengtir bû
û navê pîroz,tenê ma navê Penaberan
Derbederan
Birçî û Taziyan
Sêwî û Jinebiyan
û Pakrewanên bê nasname
Ji boyî welatekî KENEK
ji bo melyonan KENEK
tenê carekê û KENEK
û tu jî welatê min !!!
Bese derd
Bese xem
Bese Girî
De bese Lorî. …
ku pozên me ji bîna Mirinê tijîbûn
ji bîna Barûdê tijîbûn
...............
welatê min ...
çawa axa pîroz !!?
çawa darên bilind !!?
çawa dilên nazik !!?
Êdî bese Girî
.........
Li Welatê min
Êdî em nema Gornan ji hev nasdikin
û nema têra zemîna birçî dike ?
Welatê min
Welatê pîroz ...
Xwešik e Ken
ku li ser lêvên te be
Ciwan e Evîn
ku di dilê te de be
Hingî jiyan e
Ger di hembêza te de be
û pîroz e mirin
ku li ser axa te be
.......
Vêca welato bikene !!!
ji boyî mirina me hema bikene !!!
ji boyî wî nan û xwêyê bikene
ken û rûkenî bi te dikeve
li bejna te tê
ji dêmên te re çêbûye…
Bikene !!
Bikene !!
Û Bikene ....!!