Welatê me - Nûçenameya kurdwatch

Girê Sipî: Dîsa pevçûn di nav PYG û yekîneyên islamî

KURDWATCH, 11ê şibata (February) 2014ê - Di 27 û 28ê çileya paşîn û di 2ê şibata 2014ê de li rojavayê bajarê Girê Sipî pveçûn çêbûn di nav Yekîneyên Parastina Gel (YPG) yên Partiya Yekîtiya Demokrat (PYD) û herweha yekîneyên Dewleta Islamî ya Iraq û Şamê. Dewleta Islamî destê xwe daniye ser bajarê Girê Sipî, di dema ku YPG çend gundên kurdî li rojavayê bajêr cihê xwe girtiye. Çend kuştî û birîndar hebûn, hejmara deqîq ne diyare.

Qamişlo: Encûmena Niştimanî ya Kurdî partiên Çep dûrdike
KURDWATCH, 9ê şibata (February) 2014ê - Di 2ê şibata 2014ê de Civata Giştî ya Encûmena Niştimanî ya Kurdî ew endamên xwe dûrkir, yên ku di Rêvebiriya Demkî ya Partiya Yekîtiya Demokrat (PYD) de beşdar bûn. Yên dûrkirî evin: Partiya Çep a Kurdî li Sûriyê (navê berê Partiya Çep a Kurdî li Sûriyê [Kongir]) ya Mihemed Mûsa Mihemed, Partiya Demokrata Çep a Kurdî li Sûriyê (navê berê Partiya Çep a Kurdî li Sûriyê [komîteya navendî] ya Salih Gedo herweha endamê serbixwe Ekrem Hiso.

Tel Temr: Yekîtî xwenîşandanekê li dar dixe
KURDWATCH, 10ê şibata (February) 2014ê - Di 22ê çileya paşîna 2014ê de çend dest ji alîgirên Partiya Yekîtî ya Kurdî li Sûriyê beşdarî kombûnekê bûn li Tel Temrê. Xwenîşanderan daxwaza »federaliyê li Kurdistana Sûriyê« kirin û piştgiriya xwe ji nûnerên Encûmena Niştimanî ya Kurdî di danûstandinên aştiyê de li Cenfê nîşandan.

Qamişlo: Tevgera Ciwanên Kurd xwenîşandanekê li dar dixe
KURDWATCH, 9ê şibata (February) 2014ê - Di 22, 23 û 24ê çileya paşîna 2014ê de Tevgera Ciwanên Kurd xwenîşandan li darxistin li Tirbespiyê, Girkê Legê, Çil Axa, Dêri û Efrîn. Bi sedan alîgirên wê beşdar bûn di kombûnana de û piştgiriya xwe ji nûnerên Encûmena Niştimanî ya Kurdî di danûstandinên aştiyê de yên Cenfê nîşandan û »pejirandina mafên Kurdan li Cenfê« xwestin.

Qamişlo: Ewlekariya Deweletê karkerekî digre
KURDWATCH, 8ê şibata (February) 2014ê - Di 24ê çileya paşîna 2014ê de karmendên Ewlekariya Dewletê Ehmed Mihemed Ebas (jidayikbûn, li Kobaniyê) di otêlekê de li Qamişloyê girtin. Eba li Kurdistana Iraqê kar dikir û li ser rê bû ber bi mal li Kobaniyê. Sedemên girtinê hîn ne diyarin.

Amûdê: PYD çalakvanekî direvîne
KURDWATCH, 4ê şibata (February) 2014ê - 29ê çileya paşîna 2014ê de endamên Asayişê,Hêzên Ewlekariyê yên Partiya Yekîtiya Demokrat (PYD), Memdûh Mihemed Xelîl (jidayikbûn 1966 li Amûdê, zewicî, şeş zarok) li Amûdê revandin. Xelîl endamê Partiya Demokrat a Kurdî li Sûriyê (el-Partî) ya Ebdulhekîm Beşar e.

Dêrik: Sê kuştî di pey teqînekê de
KURDWATCH, 4ê şibata (February) 2014ê - 23ê çileya paşîna 2014ê de di pey teqîna erebeyeke bombekirî de sê rêwengî jiyan ji dest dan, kesin din jî birîndar bûn. Sedemên teqînê nediyarin.

Qamişlo: PYD leşkerên zarok tecnîd dike
KURDWATCH, 3ê şibata (February) 2014ê - Di 15e çileya paşîna 2014ê de di çarçoveya binaxkirineke girseyî de ya şervanên Yekîneyên Parastina Gel (YPG) yên Partiya Yekîtiya Demokrat (PYD), yên ku li Tel Hemîs û Tel Birakê hatî kuştin Delîl Riyad Xelîl (jidayikbûn li Qamişlo) yê panzdehsalî jî hat bingorkirin. Binaxkirina fermî ji aliyê PYD piştrast dike ku YPG zarokên leşker jî tecnîd dike.

Dêrik: Teqîna fîşekan li ser nivîsgeha el-Partî
KURDWATCH, 28ê çileya paşîna (January) 2014ê - Di 21ê çileya paşîna 2014ê de kesên nenas li Dêrikê fîşek li ser nivîsgeha Partiya Demokrat a Kurdî li Sûriyê (el-Partî) ya Ebdulhekîm Beşar teqandin.

Girkê Legê: Nivîsgeha Encûmena Niştimanî ya Kurdî hat şewitandin

KURDWATCH, 28ê çileya paşîna (January) 2014ê - Di şeva 23 li ser 24ê çileya paşîna 2014ê de nivîsgeha Encûmena Niştimanî ya Kurdî li Girkê Legê ji aliyê kesên nenas ve hate şewtandin. Komîteya herêmî ya Encûmena Niştimanî ya Kurdî di ragehandinêkê de êrîş şermezarkir.