Welatê me - SEYDAYÊ CEGERXWÎN Û STIRANA KURDÎ

BEXT REŞÊKOÇER

Stirana kurdî yek ji kevintirîn û zengîntirîn û rengîntirîn stirane di rojhilata navîn de û bi hemî cor û rengên xwe dibe henbêzek ji henbêzên parastina dîrok û ziman û filklor û rêzik û kesayetiya kurdî re û tê zanîn di hemî warên Kurdayetiyê de stirana Kurdî xizmet kiriye ji xeynî wesa jî rolek xwirt lîstiye di geşkirin û bilindkirina hest û hêrsên şervanên Kurdan de di hemî raperîn û berxwedan û şoreşên Kurdan de û di hemî qonaxan de û çawa stirana Kurdî ev xizmete kiriye ji kurdayetiyê re .

hêjayî gotinêye gelek hene yên ku xizmeta stirana kurdî kirin , yên bi pênûsên xwe, yên bi dengên xwe û yên bi tiliyên xwe , yek ji wan kesê ku herî xizmeta stirana Kurdî kirî , bê sînor, di riya pênûsa xwe re bi taybet di sedê bîstan de , hişmendê Kurd yê nemir Seydayê Cegerxwîn di riya helbestên xwe re yên ku bûbûn çavkanîyên zelal û şêrîn ji piraniya dengbêj û hunermendên Kurd re di van pêncî salên dawî de û heya neha jî , ji helbestên Seyda yên ku bûyîn stiran di riya honermendên Kurd re û yên agahiya me ji wan heyîn û me agahî li ser wan peyda kirin evin .

- Şivan Perwer : 1- Ala Rengîn 2-De Lorî 3- Ey Ferat 4- Karker Û Xebatkar 5- Kurdistana Min Ka 6-Karker Û Cotkar 7- Kîme Ez 8- Bila Buhar Bi Xêr Bê 9- Apê Ho 10- Ey Heval Robson 11- Pir Xweşe 12- Ey Felek 13- Kurdistanê Kurdistan .

-Gulistan Perwer : Kurdistan Bexçê Gulan .
- Mihemed Şêxo : 1- Eman Leylê 2- Nalinek Tê Guhê Min 3- Şêrînê Nû Gihayê 4- Bexçê Gula 5- Pêjna Te Nayê 6- Bilinde Bejn Û Bal Ate 7- Nexweşim Ez Di Evîna Te De 8- Bûm Hêsîrê Awirên Çavên Wê 9- Agirê Derdê Te Îro.
- Seُîd Yosiv : Wextê Seher Rabit Ji Xew .
- Ciwan Haco : Hate Ber Derî 2- Hevala Evîndar 3- Ey Dîlberê 4- Pêjna Te Nayê 5-Te Zû Tê Deranî 6- Çav Reş 7- Li Şarê Jînê 8- Giryanim Bese 9- Li Min Lêlê 10- Zemano11-Pir Xweşe.
- Hukmet Cemîl :1-Leyla Qasim 2-Welato Kurdistan 3-Kurdistan 4-Zinara Erebî 5-Binêr Lُ Kurdistanê Tevde Bi Xwîne .
- Aram Dîkran : 1-Şev Çû Ma Tu Êdî Hew Tê Lo 2-Çav Beleka Min 3-Adare 4-Newroze 5-Ez Ji Xew Rabûm 6- Lolo pismamo .
- Seîd Gabarî : 1-Aferî Qadî Mihemed 2-Diyariya Yarê 3-Herdu Çav .
- Xoşnav : Ebro Şevê .
- Hesen Şerîf : Nazika Min Hate Xwarê .
- Feqê Teyran : Top Û Lekên .
- Nîzametîn Ariç : Tu Jî Wek Min Ger Bibûna Kurd .
- Behzad Betê : 1- Leşkerim 2- Sêvê .
- Şevger : 1-Keko Ziman Dirêjim 2-Hevalên Delal Zû Bibin Markisî 3- Bibêjin Bo Her Kesî 4-Komela Mirova 5-Zaravê Evînê 6-Pîr Û Kalim .
- Xelîl Xemgîn : 1-Welatê Min Tu Wî Bûka Çîhanî 2-Tu Hatî Lêv Şirîna Min 3-Sîne Çi Gewr Û Boze 4-Ji Bûna Her Kesek Yarek Heye .
- Şêxo : 1-Şoreş 2-Sebra Dile 3-Hawar 4-Kurdin Ser Bilindin 5-Xwe Karbikin Jibo Şer 6-Here Here 7-Nizanim 8- Hoho Şivan 9-Namûse Rabin 10-Birca Belek 11-Pîr Û Kalim 12- Kurdistan 13-Keko 14-Evîn Perwerim 15-Ez Nizanim Çi Bêjim .
- Şêrîn Mele : 1-Her Çar Xêzên Kurdistan 2-Keçê Rabe .
- Husên Tewfo : Di Tarîka Şeva Hicran 2-Newroze Sibe 3-Ez Li Vir Dîlber Li Şam .
- Eyşeşanm : Destê Şêx Maçî Nakim .
- Seîd Axa Cizîrî ( Seîdê Hemo ) : Ey Felek Ey Zalim Felek .
- Cemal Seُdûn : Vexwe Yarê Vexwe Vexwe .
Û ji xeynî vê hejmara ku dighe 87 helbestan yên ku me agahî li ser wan peydakirin gelek dîtir jî hene em bi wan nizanin , li ser destên honermendan bûne stranên xweş û delal û ketine di xizmeta hemî warên kurdayetiyê de û ev stiranên me bi ziman anîn nazktirîn stranin di nav stranên Kurdî de û her wesa nemir Seydayê Cegerxwîn dimîne bilindtirîn helbestvan , xizmeta stirana Kurdî ya nûjen kirî di vê serdema nû de .

20 . 10 . 2012

Girkê Legê