Welatê me - Damezrandina Koçka Mihemed Şêxo ya hunerî li Girkê-legê

Girkê-legê / în /9/3/2012 / : bi amadebûna jimareyek rewşenbîr , helbestvan , mozîkjen , nûnerên rêxistinên siyasî û çandî , koçka mihemed şêxo ya hunerî li ser destê çend hunermendên deverê hat damezirandin , û piştî rawestana xuleke bê deng li ser giyanê pakrewnên kurd û kurdistanê û yên şoreşa sûriyê û strana " pêşkevin em serferazin miletê kurdî ..." wekû duruşmê koçkê hat pejirandin , paşê gotina koçkê ji aliyê endamekî wê ve hat pêşkêşkirin û kurte jiyana nemir mihemed şêxo bi taybetî ya hunerî hat xwendin .

hêjayî gotinê ye ku çend hevçerxên hunermend şêxo di vê rûniştinê de amadebûn û hin helwest û serhatiyên xwe pêre diyarkirin , Dr.şiyar di gotina xwe de amaje bi êş û azar û tengezariyên jiyana M.Ş kir , û anî ziman ku helbestvanê kurd mehmûdê sebrî li îranê melayê girêbesta hevjînîtiya wî bû , her wiha helbestvanê kurd şiyarê emerê le`lê serbora bavê xwe (helbestvanê navdar rêncber ) û M.Ş numand û amaje bi helbestên nêvnas yên Rêncber bi dengê bilbilê kurd M.Ş kir ,û di navbirekê de yekî ji amadebûyan got: rojekê min pirsek wisa ji M.Ş kir gelo çima tu liser helebçe nabêjê? Pûnijî û got : 5000 hezar mihemed şêxo têra helebça nakin , beşdarekî dî got: M.Ş di gel çend hunermendên dî festîvaleke mezin bi amadebûna Şah hisên şahê urdunê ji bo alîkariya malbatê şehîdên kurd encamdan . li dawî gelek brûsk ji rewşenbîr , rêxistinên siyasî , hevrêzên ciwanan .... hatin xwendin , û bi stranên bilbilê nemir Mihemed şêxo ev helkeft bi dawî bû .