Azer Osî
Bi bayê jînê re,
li te digeriyam heval,
jînê jî, bi bayê te re,
xwe li bayê min digirt.
Di demsalên xwe de,
ber bi demsalên te dihat
û ji min xelat dayîna te dixwest.
Her dem, min te li civata xewnên xwe didît.
Destên te, li ser milên min dibûn
û ji bêhna te,
bihara min xunav dida.
Xewnên min, mîna xewnên çavên te dibûn
û razên te li kenarên dil, dest têwerdana
tavên heyva min dikir.
Nizanim, lê tû dizane
bê li ku, tê bi cih bibe
û her sibeh, ji rojê re,
çi bêje.
Bi te, ne ez di þevan de, serberjêr dibim
û ne di rojan de, roj jî zora min dibin.
Cûdî bi te, bisamax dibû
Gabar , destên xwe hine dikir
Qendîl, çirayên wê ronî didan
û ji dîlana te Oremar ser hiþ diçû.
Bêyî bêjim, dê we re
wê ji ser yar sawa gumanan bar bike
wê hezkirin, neyar di ser de bi kuje,
û tev Bekoyan ji diyar koçber bike
û kurdan bi Kurdistan þa bike.
Elmanya
