Pilan in, ku mirov dikare wan bixe bin sîwana tawanên li dijî mirovayetiyê û qirkirina regezan. Diyar e, rêjîma Sûrî, dilê wê bi wan pîlan ên tine sere kurd ên hundur, ji nenaskirina nasnameya kurdî, neqebûlkirina wî, wek neteweya 2an li ser xaka bav û kalên xwe, birçî û belengazkirina kurdan, derxistina mersûman (49), sezadan wan karxan ên, ku kurd ên xwedê berê xwe ji wan guhertî, wek karkir bi kar bîne û gelek tiştên din, hînik nabe, lewra berê xwe dide derve jî, ku li wan deveran jî kurd bi rehetî nejîn, dakû wê û pilanên wê yên qirêj bo raya giştî ya cîhanê eşkere nekin.
Wek hercar ku amade ye, bo mana rêjîmê li ser kursiyê desthilatê, hertiştî bike qurban, bi vê peymana di gel hukumeta Elmanî jî her tişt pejirand û serî tewand, tenê daku dengê kurdan yê derve û bi taybetî piştî serîhildana 12ê avdarê û şehîdketina şêx Maşûq ê Xiznewî, kiz bike. Ji hêleke din ve jî bide diyarkirin, ku ew jî mina welatekî koçberhinêr dikare bi positive, di gel welat ên koçberwergir hevkar be, daku rêjeya koçberiya(nelegal) kêm bibe. Lê cîhan hemi dizane, ta çi pêpelûkê destê hukumeta Sûrî di karê hinartina xelkê bo Europa û USA heye, bi çend hezar perên sûrî, xelkê di rêka balefirxaneyên xwe re rêdike van welatan. Ji bilî wê, hemi raport ên rojnamevanî yên cîhanî nivîsîne û dinivîsîn, ta çi redeye destê rêjîma sûrî bi terrorist ên mîna Al Qaîde û hevaldoşk ên wan heye.
Di karê mafiyewî de, ta çi asteyê destê wan bi grûpên israrfiroşan heye. Lê tişta mirov sersurman dike, ku welat ên ji xwe re dibêjin: welat ên azad, demoqrat, parêzerên mafê mirovan û gelek nîşan û mîşanên weha bi ser singa xwe ve dikin, bi welatekî mîna Sûriya re hevpeymanan dibestin. Heta duh bû, rêjîma Sûrî kaxezek nedixist nav dest ên karmend ên biyaniyan, lê niha tenha, mirovek bi tiliyê nîşan bide, ku ew mirov ji Sûriya hatiye, dê rêya çûnê bow î xweş bikin.
Bo rêjîma Sûrî, nexem e, çimkî tu berpirsiyariya mirovayetî û exlaqî li hember hevwelatiyên xwe yên hundur û derve tune ye.