Sereke | Beşê Erebî | Beşê Çandî | Gotarekî Rêke | Erşîv

Sereke

Ger



 

 
 

Gotar: Dabeşkirina bi mebest

 


Mislim Şêx Hesen 

Li sala1916 an Kurdistan bi awakî gelekî bi mebest di navbera çar welatan de hat dabeşkirine, mebesteke wan jê ew bû, ku pirsa kurdî bibe pirsgirêk û nakokiyeke azirî ji gelên Rojhilata Navîn re, careserî zû bi zû jê re peyda nebe û karibin jî bi dirêjtirîn dem ji samanên kurdistanê wek sotemenî, av û HWD sûdê wergirin. Lewra jî ew tu careseriyê ji rewşa kurdistanê re peyda nakin, û li hev dicivin ku pirojên kurdan bo azadî û rizgariyê têk dibin. Di vî warî de bidehan pîlanên hevbeş li dijî gelê kurd û daxwazên wî hatine gerandin û dubare jî bûne.


Her wiha li dema dawiyê welatên dagirker piştî giştpirsiya ku li kurdistana Îraqê hat li dar xistin ku li gorî zagon û belgeyên netewe yekbûyî bû, wan dewletan, ji bo ku encamên giştpirsiyê tine bikin, tavilê nakokiyên xwe dan tenştekê û ligel hev sê qulî û çar qulî wek demên borî li hev civiyan. Vêça, divê tevgera siyasî ya kurdistanî lêvegereke rasteqîn û dîrokî ji xwe re bike û li ser kiryarên kirêt ên dewletêm zorker rawestin. Çawa ku ew dewlet bi hêsanî karin dev ji nakokiyên xwe berdin, li ser doza gelê kurd lihevbikin û li pêşiya daxwaz û hêviyên gelê kurd rawestin, tevlî ku netewe, ziman û dîroka wan jî ne wek heve, divê tevgera kurdistanî jî sûdê ji wê rastiyê bigirin û siyaset û stratîciyeke hevbeş dînin û bajon, çimkî tu çûdahî û nakokiyên mezin di navbera tevgera kurdistanê de nîn e, û li dawiyê em miletek in, û tevgera me ya netewî li herçar parçeyên kurdistanê gerek e rojekê pêş de li hev bike û yekrêziya xwe ya siyasî ya netewî damezirîne. Lewre jî hazirî û amadebaşî ji bona lidarxistina kongirekî netewî erk û mafekî rewa ye. 

 
Gotar Nerîne Xwediyê Xwene
 

Puanên Nûçeyê

Asta Dengan: 5
Bi Tevahî Deng: 1


Ji kerema xwe re kurtedemeke xwe bide vê dengdanê:

Herî baş
Pir baş
Baş
Ne xirab
Xirab

Vebijark