Ciwan Dêrikî
Di rêzeçalakiyên xwe yên heftane de, guropa Ehmedê Xanî ya rewşenbîrî li Dêrika Hemko roja 13/1/2012 şevek li ser dîroka zagonan û mafê mirov li navenda çand û huner ya Dicle de li gundê Baneqesrê li darxist, şev ji hêla semînervan parêzer Ebdire-of Mihemed ve hat birêvebirin, gelek nivîskar, rewşenbîr, endamên guropên rewşenbîrî-çandî, welatparêz û nûnerên partiyan beşdarbûn, despêkê mamoste melevan pêşwaziya mêvanan kir û kêlîk bêdeng rêzgirtin ji giyanê pakrewanên Kurdistan û serhildana sûrî re hat kirin, di pey re naveroka mijarê ji beşdaran re diyar kir û semînervan pêşkêş kir.
Parêzer Ebdire-of Mihemed mijar li ser çar beşan belav kir:
1-mafê mirov di serdemên kevin de.
2-ol û mafê mirov.
3-mafê mirov di serdema nû de.
4-hin belgenameyên navdewletî li ser mafê mirov.
Herweha gelek xal ji danezana mafê mirovan xwendin.
Piştî semîner bi dawî bû tevlîbûna beşdaran tê de gelekî balkêş bû, piraniya wan bal kişandin li ser doza kurd û mafê gelê kurd, hêjayî gotinê ye ku çend jinên beşdar tevlîbûna wan çêbû û li ser mafê jinê di civaka me de rawestiyan.
Di bersivdana pirsan de di gel parêzer Re-of Mihemed, parêzer Mistefa M.Emîn jî bersivdan û ronîkirin dida, dîsa rexne li xebata rewşenbîrî bi giştî hat kirin ji hêla çend beşdaran ve, ku piraniya rewşenbîrên kurd tevlî xebata serdemê nabin û erkên xwe bi cih nayînin, dîsa hat xwestin ku guhdan bi perwerdeya bi zimanê kurdî were kirin û hemî rewşenbîr cihên xwe di saziyên ziman de bigrin û lêkolînan li ser tore û çanda kurdî bikin.
Şev bi dilxweşiya beşdaran bi dawî bû.
1412012
Li jêr çend dîmen ji şeva guropa Ehmedê Xanî ya Rewşenbîrî-Dêrka hemko
