Ne koçer in ew , ne warguhêz in
Westa ne li pêy hev , ew bi rêz in
Nêzîk in ne dûr in xwež xuya ne
Wek težneyê rahê Kerbela ne
Mêvan in , delal in pir ezîz in
Hilmižtî ne paqij in , temîz in
Sînga xwe veke li ber delalan
Himbêz bike xwež ewan žepalan
Zaro ne , ciwan in nû gihîžtin
Ew teyrik û bilbilêd bihižtin
Amûd li wan bûye pêt û agir
Naçare revîn berê xwe dan vir
Zan in ku tu dayika henûnî
Bê žik e , li ser wan dê tu rûnî
Rêber Mihemed kurê Seîdî
Sed rehmet li gora wî žehîdî
Wan çakûç û bêr digel xwe anîn
Koça xwe li dor êla te danîn
Žingîn kete çak û çan û bêran
Borîn kete pîrekan û mêran
Porên xwe keçan hemî kižandin
Hinarêd ruyê xwe wan çirandin
Qîzik ku dibêjin : Ax birê min
Pîrek ku dibêjin : Ax kurê min
Ap tenha dibêjin : Ax birazê
Xal herdem dibêjin : Kanî xwarzê
Bû qîr û hewar li dê û bavan
Žûna hêstiran xwîn tê ji çavan
Amûdê seraser bûye lê žîn
Yek mal nema bê fîxan û nalîn
Ca rabe bipirse ey dilê jar
Carek tu ji sînema gunehkar
Bêje :Ey sînema bê ol û bê dîn
Ma qey te digel ewan hebû kîn
Kîna te li wan bû pêt û agir
Ev roja giran li wan te rakir
Birkan bû gelo di bin te derbû
Yan berq û birûsk bi ser te werbû
Yan pêtek ji dojehê bi derket
Ku bakî Qerecdaxî bi berket
Ku pêk ve civîn bi kîn û azer
Hat girtin li wan derî û pencer
Pêtî ku ji jor avête žažan
Agir žuxilî di term û lažan
Bû qîr û hewar , fîxan û feryad
Ji ber wî agirî tevan dikir dad
Ema çibikin ne gazî û han
Bû agir li wan erd û ezman
Zarzarê mekin , gelî biçkûkan
Wîzwîzê mekin , ji rengê çûkan
Ev cewr û cevaya hûn dikêžin
Can û ceger û dilê me dêžin
Canê we dema ji ten cuda bû
Pertew ji xweda digel teba bû
Ew pêk ve firîn ji rengê murxan
Perwaze kirin di baxê Ridwan
Sed carî tifû ji van deman re
Em hižtin ji kul û hem xeman re
Nakin em ji bîr ,bi dil žikestî
Sala hezar û nehsed û žêstî
Sêzdê çiriya duwem bi nîžan
Tarîx e ji roja sotina wan
Herçî ku mirin ew sêsed û çar
Bil yêd pel žewat û yêd birîndar
Tîrêj bigrî li xwendevana
Sed heyf û xebîneta ciwana .
Bibona /50/î salvegera žewata sînema Amûdê em vê helbesta seydayê Tîrêj belav dikin..