Sereke | Beşê Erebî | Beşê Çandî | Gotarekî Rêke | Erşîv

Sereke

Ger



 

 
 

Helbest u pexşan: Gazinek ji helbestvaniyê

 



Silêman azer

Li vir,
   ez şivanê
        çêrandin demsalên
gencîniya xwe bûm
                   li şînkayiyê.


Dema,
tihna te xwe
daweşand perdeyê şevên min
                       ji nediyariyê.
Na,…..
ne şeydayê navê te bûm,
ne jî dilhezê helbestan bû  
                   bavê min li vir,
lê te xwe hepişande,
kuncikên jîna min
                            bikotekiyê.
Ma hew bi tenê
        li hev hatinek bû,
an pîlanek bû
te veda bû ser riya min
bi libkên rengîniyê.
Tu ji min diguvêşe,
zuhayiya xwe,
barandinek ji xemgîniyê.
Di çi rûsariyê de bû,
ew dildarî,
em bûne sîngek e vekirî,
ji mêtina çewte peyvan re.
Me li joriya valabûnê
                    dibanînin,
lêvin qeliştî ji dilbijokiyê.
Li ser milê me ye,
seriyê gêjbûyî
ji hêrandina wê xweziyê.
Va ez barabûnek im
        ji firandinê re,
û bilinde jî asîmanê te
               windagehê sawgirtinê.
Qey di kîjan meydanê de
tu baskokirine,
hîna tu li ser bêdengiya min,
di biriqîne morîkên bextê xwe
          rêwiyin ji tenêtiyê.
Min şewitandin tiliyên pelandinê
tu dikare,
min li  ser masa têkçûnên xwe,
bi noşe,
û min di şevbuhêrkên xwe de,
                 binehwirîne firdikek
                          ji bîreweriyê.
Min rişma te,
li gerdena bînayiyan gerandiye
tu dikare bidêre wê azariyê.
di pêçeka,
rojan de,
te ji şîrvedikim,
û tu markiriyî
            li sergêjiyê.
Wa…li derdora,
hilatbûnan,
bi pêka ketine,
neviyên te,
û te tobe nekiriye
           ji bergirtinên
          wê neçariyê.


Silemanazer@hotmail.com  

 
Gotar Nerîne Xwediyê Xwene
 

Puanên Nûçeyê

Asta Dengan: 0
Bi Tevahî Deng: 0

Ji kerema xwe re kurtedemeke xwe bide vê dengdanê:

Herî baş
Pir baş
Baş
Ne xirab
Xirab

Vebijark