|
 Dîmuqratî *
D ibin siya pêşketinên ku herêma me têde derbas dibe, a ku akama xwe li ser pêşketina doza kurdî jî kiriye bi giştî, ji ber wê doza kurdî li sûrya wê jî gavin giring ber bi pêşde avêtin, ev doza ku inkara hebûna wê dibû, û li ser dihate nixumandin , û piştî ku tenê weke dozeke di nava kurdan bi tenê de bû, îro bûye cihê balkêşiyê û giringiyê ji bal hemû hêzên niştimanî û siyasî di Sûryayê de. Û çêbûna (ragihandina dîmeşq) yek ji wan guherandinên mezin bûn. Ev Ragihandin a ku cara yekê ye li Sûrya tê sazkirin û di nava xwe de piraniya hêzên niştimanî û dîmoqratî dighîne hev, tevî nerînên wanî siyasî û netewî, û di nava wan de jî hêzên siyasî kurdî ên xuyanî, da belgeyeke siyasî deynin
daxwaz jê çareserkirinek dîmoqratî û dadwerî ji bona doza kurdî li Sûrya, û weke ku di daxuyaniya sekretariya giştî a Ragihandina Dîmeşq de hatiye (tu bersivên lihevhatî nehatine li ser van siyasetan mî a ewê ku hêzên kurdî ê xuyanî pê rabûn, bi tevlêbûna wan di nava Ragihandina Dîmeşq a guhertina niştimanî û dîmoqratî, ji ber bîrûbaweriyên milet yekin, û derketin jî yeke da bighên azadî û dîmoqratiyê û desthelata yasa û welatperweriyê). Û li vêde, divê ku bête gotin, ku baştirîn kar ji bona hêzên kurdî ên ku neketine nava (Ragihandina Dîmeşq) de, ku têkevin nava wê de û alîkar û piştgir bin jêre, ji ber ku bi vê tevlêbûnê, hêza (ragihandina Dîmeşq) xurttir dike, û ji ber ku ev Ragihandin doza çareserkirinek dîmoqratî ji bona doza kurdî dike. Û ji hêleke din ve, bi tevlêbûna xwe ji Ragihandina Dîmeşq re bêtir beşdarbûna kurd di nava vê koma niştimanî mezin dike, a ku teqez xizmeta doza kurdî bêtir dike, û bêtir xizmeta xebatê dike ji bona gihandina jiyaneke dîmoqratî. Û li vir, divê ku em nîşan bidin li ser meselak giring, ew jî ewe: gava ku hinek bêjin ku tiştê Ragihandina Dîmeşq ji bona kurdan pesend kiriye kêmin, lê bi ne beşdar bûna wan û rexnekirina wan ji vê Ragihandinê re tu sûdê li kurdan nake, û dibe ku têkeve xizmeta şovonistan de. Ji demeke dirêj de, û ji pêşî de partiya me doz dikir da doza kurdî bibe dozeke niştimanî Sûrî, û tu çare jêre tune ye ji bilî di çarçewa niştimanî de, û kurd naghên çareserkirinê bêyî piştgirî û alîkariya civaka Sûrî û hêzên wêyî niştimanî û dîmoqratî, ji ber wê, partiya me ji demeke dirêj de karin mezin kirin ji bona avakirina pirên gihiştinê di navbera kurdan û hêzên niştimanî de, bi rabûna bi semîneran û civînên lêkolîniyê û gengeşeyê. Armanc jê ew bû danasîna doza kurd ji hêzên niştimanî re, û rastiya vê dozê ji wan re belû bibe, û ew krarên ku kesên şovînî dikin ji bona vê dozê bi şewihînin, ji civaka niştimanî re bidin xuyan Û ev karê han berba neçû, û encamên wê giring û mezin bûn. Û ev guhdan û alîkarî a bi pirsa kurdî dibe, yek ji encamên wî karî ne. Û îro jî, ew bizavên çewtkirinê nehatine rawestandin, lê pirtir û nuhtir dibin û her carê bi şêweyekê bêbext û dekdar derdikevin, da vê pêşketinê ji rê bibin, û wê rawestînin. Ji ber wê divê miletê me û tevgera wî a siyasî bêtir hişiyar be, da nekeve kelemin hinek dixwazin kurdan lê rast bînin. * Rojnameke mehane ye partiya dîmoqratî pêşverû kurd li Sûrya belav dike – hejmar (6)
|
