Vejîna Kurd
Hilma tenêtiyê..
û vedenga axîneke kûûûr kûr
bedena Çiyayê Lêlûn
dilerizînin…
Tajanên vê sibehê
hemû rûbarên xemên çemê Efrînê
gurgîn dikin…
û çateriyên hêsankirinê
di bin mij û dûman
û tariyê de
binax dikin.
Tîpên dilteng
li ser lênûsa dîwarekî nîvhilweþî
dimeyin
êþ li ser êþan pal didin
û tenê tûtî û tawis
di perestgeha xewnan de
radigerin.
Li asoyekî rengîn
digerim
pûtên ezperestiyê
bi dilsoziya peyvên xwe
hildiweþînim
û hemû stranên rojê
li ser dêmên nêrgizên tî
dinivisînim.
Carina helbestên lehengiyê
di guhên vî bajarî de
dixwînim
û carina jî..
xewnerojkên pelandî
radikim govenda azadiyê.
